हेटौँडा ः अवैध लागूऔषध गाँजासहित मकवानपुर प्रहरीले मनहरीबाट दुर्गाबहादुर मोक्तानलाई पक्राउ गरेको छ ।
मंगलबार बिहान ६ बजेर ४५ मिनेटको समयमा इलाका प्रहरी कार्यालय मनहरीबाट खटिएको प्रहरी टोलीले मनहरी–९, मगरटोलबाट स्थानीय ५४ वर्षीय मोक्तानको साथबाट प्रहरीले ६ किलो गाँजा बरामद गरेको जनाएको छ ।
मकवानपुर जिल्ला अदालतबाट ७ दिनको म्याद अनुमति लिई हिरासतमा राखेर अनुसन्धान सुरु गरेको प्रहरीले जानकारी दिएको छ । मकवानपुर प्रहरीले हरेक दिनजसो गाँजा बरामद गर्दै आएको छ ।
