हेटौँडा ः पर्सा जिल्लाको वीरगञ्ज महानगरपालिका–१९ बर्वाबाट एक सय ९५ किलो अवैध लागुऔषध गाँजासहित प्रहरीले एक जनालाई पक्राउ गरेको छ । पक्राउ पर्ने हेटौँडा–१२, रमनटारका ३६ वर्षीय सुकलाल महर्जन रहेको प्रहरीले जनाएको छ ।
शनिबार राति ईलाका प्रहरी कार्यालय पोखरीयाबाट खटिएको प्रहरीले बा प्र ०३–००१ ख ३५८७ नम्बरको ट्रकबाट गाँजा ‘अनलोड’ गरी परालको थुप्रोमा लुकाइछिपाइ भाग्ने क्रममा ट्रक चालक सुकलाललाई पक्राउ गरेको प्रहरीले जनाएको छ ।
