हेटौँडाः मकवानपुरको मकवानपुरगढी गाउँपालिका–५, ज्यामिरेखोलाले बगाउँदा एकजना महिलाको मृत्यु भएको छ । बुधबार बिहान ११ बजेको समयमा मकवानपुरगढी–५, सिमलटारकी ६४ वर्षीया गोमा कुमारी दमाईलाई ज्यामिरेखोलाले बगाएको थियो ।
खोलामा कपडा धुने क्रममा अचानक खोलाले दमाईलाई बगाएको थियो । खोलाले दमाईलाई पाँच सय मिटर तल सामारी खोला र ज्यामिरेखोलाको दोभानमा पुर्याएको र मृत फेला परेको प्रहरीले जानकारी दिएको छ ।
