हेटौँडाः दोलखा जिल्लाको बिगु गाउँपालिका–७, नागारामा भीरबाट लडेर एक जना महिलाको मृत्यु भएको छ । मृत्यु हुनेमा ४७ वर्षीया भगेरी थामी रहेको बागमती प्रदेश प्रहरी कार्यालय हेटौँडाले जानकारी दिएको छ ।
मंगलबार दिउँसो १ बजेको समयमा थामी घरदेखि गोठमा जाने क्रममा लैसिङ कुना भीरबाट ५ मिटर तल खसी मृत अवस्थामा फेला परेकी थिइन् । मुचुल्का पश्चात शव पोष्टमार्टमका लागि पशुपति चौलागाई अस्पताल चरिकोट लगिएको प्रहरीले जानकारी दिएको छ ।
