हेटौँडाः त्रिभुवन राजपथ सडकखण्ड अन्तर्गत मकवानपुरको थाहा नगरपालिका–४, दामनमा नेपाल आर्मी चढेको गाडीमा आगलागी भएको छ । बिहीबार दिउँसो १ बजेको समयमा पालुङबाट सिमभन्ज्याङतर्फ जाँदै गरेको बा १ ग ३४३६ नम्बरको मकवानपुरका आर्मी सवार रहेको वानटन गाडीमा आगोलागी भएको जिल्ला प्रहरी कार्यालय हेटौँडाले जानकारी दिएको छ ।
थाहा नगरपालिका–६ स्थित रहेको श्री युद्व भैरव गण तालिम शिविर चनवन ब्यारेकमा मकवानपुरका आर्मी सवार रहेको वानटन गाडीमा गुडीरहेको अस्थामा अचानक आगलागी भएको थियो । आगलागीको खबर प्राप्त हुना साथ प्रहरी टोली खटिगई आगो प्रहरी, नगर प्रहरी र दमकलको सहयोगमा दिउँसो १ बजेर २५ मिनेटको समयमा पुर्ण रुपमा नियन्त्रणमा लिएको थियो । आगोलागीबाट मानवीय क्षती भने नभएको र अनुसन्धान कार्य भईरहेको प्रहरीले जानकारी दिएको छ ।
