हेटौंडाः मकवानपुरको बकैया गाउँपालिका–४, थलीस्थित बाघभैरव आधारभूत विद्यालयलाई सेनेटरी प्याड डिस्पोजल मेसिन सहयोग गरिएको छ । शुक्रबार एक कार्यक्रमका बीच रोटरी क्लब अफ हेटौंडा र रोट्रयाक्ट क्लब हेटौंडाले संयुक्तरुपमा विद्यालयलाई मेसिन हस्तान्तरण गरेको हो ।
रोटरी क्लबका अध्यक्ष प्रमेश श्रेष्ठ र रोट्रयाक्ट क्लबकी अध्यक्ष सुमिना लामाले विद्यालय व्यवस्थापन समितिका अध्यक्ष सुनिल बोम्जन र प्रधानाध्यापक सुवास स्याङ्बोलाई मेसिन हस्तान्तरण गर्नुभएको छ । अहिले विद्यालयमा आवश्यकता परेको प्याड डिस्पोजल मेसिन प्राप्त भएको भन्दै प्रधानाध्यापक स्याङ्बोले खुशी व्यक्त गर्नुभयो ।
प्रधानाध्यापक स्याङ्बोका अनुसार प्रयोग भइसकेका सेनेटरी प्याड उक्त मेसिनमा लगाएपछि मेसिनले जलाएर खरानी बनाउनेछ । यसले गर्दा जथाभावी फाल्नुपर्ने स्थितिको अन्त्य हुने र विद्यालय वरपरको वातावरण पनि सफा हुने उहाँको भनाइ छ ।
