हेटौंडाः जिल्ला प्रहरी कार्यालय बाराले जुवा तास खेल्ने १३ जना जुवाडेहरुलाई पक्राउ गरेको छ । शुक्रबार दिउँसो ३ बजेर ३० मिनेटको समयमा विशेष सुचनाको आधारमा खटिएको प्रहरी टोलीले महागढीमाई नगरपालिका–१, बरियारपुरस्थित मोतिलाल प्रसादको घरमा छापा पारी १३ जना जुवाडेलाई पक्राउ गरेको हो ।
पक्राउ पर्नेहरुमा महागढीमाई नगरपालिका–१ का ५६ वर्षीय राजेन्द्र साह कानु, ४३ वर्षीय मनोज प्रसाद कुशवाहा, ५० वर्षीय विनोद प्रसाद, ५३ वर्षीय मोतिलाल प्रसाद, ६० वर्षीय जतिकर हुसेन, ४० वर्षीय मोतिलाल प्रसाद कुशवाहा, ४३ वर्षीय राजु प्रसाद कुशवाहा, ५० वर्षीय अच्छेलाल महतो र ५९ वर्षीय कस्तुरी साह रहेका छन् ।
यस्तै सोही नगरपालिका वडा नम्बर २ का ३८ वर्षीय राजकिशोर प्रसाद कुशवाहा, ४१ वर्षीय जितेन्द्र तिवारी, सुवर्ण गाँउपालिका–२ का ४८ वर्षीय सुकदेव प्रसाद यादव र वडा नम्बर ८ का ३५ वर्षीय मुस्ताक खान पैठान रहेको बारा प्रहरीले जनाएको छ । प्रहरीले उनीहरुको साथबाट १ लाख ७१ हजार २ सय ८० रूपैयाँ बरामद गरी थप अनुसन्धान सुरु गरेको जनाएको छ ।
