हेटौँडाः मोटरसाइकलको ठक्करबाट एक बालकको मृत्यु भएको छ । शनिबार दिउँसो २ बजेर ५० मिनेटको समयमा हेटौँडा–९, स्थित भित्री सडक खण्डमा मोटरसाइकलको ठक्करबाट बालकको मृत्यु भएको जिल्ला प्रहरी कार्यालय मकवानपुरले जनाएको छ ।
प्रहरीका अनुसार मयुरधापबाट हेटौँडा बजार तर्फ आउँदै गरेको बागमती प्रदेश ०३–००५ प २४३ नम्बरको मोटरसाइकलले ठक्कर दिँदा बालकको मृत्यु भएको हो ।
मोटरसाइकलको ठक्करबाट सोहि स्थान बस्ने रामचन्द्र अर्यालका ५ वर्षीय छोरा सिभांस अर्याललाई बाटो छेउमा हिडिरहेको अवस्था ठक्कर दिएको थियो । मोटरसाइकलको ठक्करबाट घाइते भएका बालकलाई उपचारका लागि हेटौँडा अस्पताल ल्याएकोमा दिउँसो ३ बजेर ५ मिनेटको समयमा डाक्टरले मृत घोषणा गरेको प्रहरीले जानकारी दिएको छ ।
इलाका प्रहरी कार्यालय पशुपतिनगरबाट टोली खटिगई हेटौँडा–१४ बस्ने १७ वर्षीय मोटरसाइकल चालकलाई नियन्त्रणमा लिई थप अनुसन्धान गरिरहेको प्रहरीले जानकारी दिएको छ ।
