हेटौँडाः हेटौँडा–१० मा राप्तीखोलाले बगाउँदा एकजनाको मृत्यु भएको छ ।
बिहिबार बिहान १० बजेर १५ मिनेटको समयमा राप्ती खोलाले बगाएका राजु पन्तलाई उद्दार गरी हेटौँडा अस्पताल पुर्याइएको थियो । १० बजेर ४० मिनेटको समयमा डाक्टरले पन्तलाई मृत घोषित गरिदिएको जिल्ला प्रहरी कार्यालय मकवानपुरले जनाएको छ । पन्त हेटौँडा–१ जरुवाटोलस्थित तरकारी तथा फुलफुलको थोकबजारमा तरकारी लोड–अनलोडको काम गर्ने व्यक्ति भएको प्रहरीले जानकारी दिएको छ ।
