हेटौँडाः मकवानपुरको राक्सिराङ गाउँपालिकाका ३२ वर्षीय दुर्गा लामा लागुऔषध गाँजासहित पक्राउ परेका छन् । आइतबार बिहान ७ बजेर २० मिनेटको समयमा हेटौँडा–१५ रातोमाटे चेकपोष्टबाट २ केजी गाँजासहित दुर्गा पक्राउ परेका हुन् ।
हेटौँडाबाट बीरगन्जतर्फ जाँदै गरेको बा प्र ०३–००१ ज ०३०३ नम्बरको यात्रुवाहक माईक्रो बसमा सुरक्षाजाँच गर्ने क्रममा माईक्रो बसमा सवार दुर्गा लामाको साथबाट प्रहरीले गाँजा बरामद गरेको हो । दुर्गाले पेट र छातीको भागमा प्लाष्टिक बेरी लागुऔषध गाँजा तस्करी गर्ने प्रयास गरेको पाइएको प्रहरीले जनाएको छ । प्रहरीले मकवानपुर जिल्ला अदालतबाट ८ दिनको म्याद अनुमति लिई दुर्गालाई हिरासतमै राखेर थप अनुसन्धान कार्य गरिरहेको जनाएको छ ।
