हेटौँडाः नेकपा समाजवादी (एस) पूर्व जिल्ला उपाध्यक्ष भूमिनन्द अर्याल, सचिवालय सदस्य कालु ढकाल तथा पूर्व जिल्ला कमिटी सदस्य जबिन्द्र थोकर नेकपा एमाले प्रवेश गरेका छन्।
नेकपा एमालेको घर फर्क अभियानमा अर्याल , ढकाल र थोकर एमाले प्रवेश गरेका हुन्। नेकपा एमालेले पार्टी छाडेर अन्यत्र गएका नेता कार्यकर्तालाई अभियानकै रुपमा घर फिर्ती कार्यक्रम सन्चालन गरेको जनाएको छ। मंगलबार हेटौँडा–५ स्थित पार्टी कार्यालयमै एक कार्यक्रमका बीच उनीहरूलाई स्वागत गरिएको हो ।
नेकपा एमालेका केन्द्रीय सदस्य केदार न्यौपाने, रामेश्वर राना, मकवानपुर जिल्ला अध्यक्ष श्रीधर पोखरेल, उपाध्यक्ष हिदम लामा, सचिव सीता बिष्टलगायतका नेताहरुले उनीहरूलाई स्वागत गरेको नेकपा एमाले मकवानपुरका प्रचार तथा प्रकाशन विभाग प्रमुख उज्वल चौलागाईले जानकारी दिनुभयो।
