हेटौंडाः हेटौंडा उपमहानगरपालिका–९ स्थित मोर्डन इङ्लिस सेकेण्डरी बोर्डिङ स्कूलले विद्यालय व्यवस्थापन समिति र शिक्षक अभिभावक संघका अध्यक्ष र सदस्यहरुलाई सम्मान तथा स्वागत गरेको छ । शुक्रबार विद्यालयले एक कार्यक्रमबिच नवगठित विद्यालय व्यवस्थापन समिति र शिक्षक अभिभावक संघका अध्यक्ष एवम् सदस्यहरुलाई स्वागत र सम्मान गरेकोे विद्यालयका प्रधानध्यापक सुदीप बर्तौलाले जानकारी दिनुभयो ।
विद्यालयले पूर्वसमितिको म्याद सकेपछि जेठ २९ गते नयाँ समिति गठन गरेको थियो । विद्यालय व्यवस्थापन समितिको अध्यक्षमा पूर्वअध्यक्ष श्यामकृष्ण खतिवडा चयन हुनुभएको छ । समितिको सदस्य वडा प्रतिनिधिमा बिष्णु राना मगर, सदस्य शिक्षा विकास महाशाखाका हरिचन्द्र सापकोटा, सदस्य अभिभावकमा हीरा भट्ट बस्नेत र कृष्णमाया स्याङ्तान चयन हुनुभएको हो । सदस्य समाजसेवीमा प्रकाश पौडेल, सदस्य शिक्षक प्रतिनिधिमा बिमला श्रेष्ठ र सदस्य सचिवमा सुदीप बर्ताैला रहनुभएको छ ।
यस्तै, शिक्षक अभिभावक संघको अध्यक्षमा सोमबहादुर लामा चयन हुनुभएको छ । सदस्यमा मेघराज वाईबा, सचिन श्रेष्ठ, दुर्गा कोइराला, सीता जमकटेल, विजया तिमल्सिना र सदस्य सचिव सुदीप बर्ताैला चयन हुनुभएको हो । समितिको ३ वर्षे कार्यकाल रहने छ ।
