हेटौंडाः लायन्स क्लब अफ हेटौंडा भुटनदेवीको वर्ष २०२०/२१ को लागि जिम्मेवारी हस्तान्तरण भएको छ । शनिबार लायन्स क्लब इन्टरनेशनल ३२५ बि २ का डिस्ट्रिक्ट गभर्नर शम्भु नकर्मीको प्रमुख आतिथ्यता जिम्मेवारी हस्तान्तरण कार्यक्रम भएको हो । लायन्स क्लब अफ हेटौंडा भूटनदेवी वर्ष २०१९/२० की अध्यक्ष सीता श्रेष्ठले वर्ष २०२०/२१ की अध्यक्ष पुष्पा भट्टलाई अध्यक्ष पदको जिम्मेवारी हस्तान्तरण गर्नुभएको हो ।
सन् २०१० मा स्थापना भएको क्लबको संस्थापक सदस्य भट्टलाई वर्ष २०२०/२१ का लागि अध्यक्ष चयन गरेको हो । सामाजिक सेवाको कार्य गर्ने लायन्स क्लब अन्तर्राष्ट्रिय स्वयमसेवी संस्था हो । महिला मात्रै सदस्य भएको लायन्स क्लब अफ भुटनदेवी मकवानपुर जिल्लाकै पहिलो क्लब हो । क्लबको प्रथम उपाध्यक्षमा गायत्री श्रेष्ठ, द्वितीय उपाध्यक्षमा निलम देवकोटा, तृतीय उपाध्यक्षमा सृजना मरासिनी चयन हुनुभएको छ । यस्तै सचिवमा सञ्जीता सिग्देल, कोषाध्यक्षमा निर्मला पराजुली चयन हुनुभएको छ । क्लबका पूर्वअध्यक्षहरु सबै सल्लाहकारको भूमिका रहनुभएको छ ।
