हेटौँडाः हेटौँडा–५, भैरवरोडमा क्रेनको पुल्ली मर्मत गर्ने क्रममा लडेर एक जना गम्भीर घाइते भएका छन् । घाइते हुनेमा हेटौँडा–१ चाईनाक्वाटरका ४० वर्षीय झलकचन्द्र दाहाल रहेको जिल्ला प्रहरी कार्यालय मकवानपुरले जानकारी दिएको छ ।
शनिबार बिहान १० बजेर २० मिनेटकोे समयमा दहाल भैरवरोडमा रहेको नेपाल विद्युत प्राधिकरणको केन्द्रिय वर्कसपमा जडान गरिएको ओभरहेड क्रेनको पुल्ली मर्मत गर्ने क्रममा लडेर गम्भीर घाइते भएका थिए । घाइते दहाललाई उपचारका लागि हेटौँडा अस्पतालमा लगिएकोमा समान्य उपचार पश्चात थप उपचारका लागि पुरानो मेडिकल कलेज भरतपुर रिफर गरिएको प्रहरीले जानकारी दिएको छ ।
