हेटौँडाः मकवानपुरको थाहा नगरपालिका–७, देउखेलबाट प्रहरीले एक सय केजी लागुऔषध गाँजा बरामद गरेको छ ।
शुक्रबार दिउँसो १२ बजेको समयमा देउखेलबाट पालुङतर्फ जाँदै गरेको ना २० प १८६७ र प्रदेश ३–०२–०१२ प १५९२ को दुईवटा मोटरसाइकलमा सवार व्यक्तिहरु प्रहरी गस्ती टोली देखेपछि मोटरसाइकल छाडेर भागेको बागमती प्रदेश प्रहरी कार्यालय हेटौँडाले जनाएको छ । प्रहरीले २ वटा पोकामा अन्दाजी एक सय केजी लागुऔषध गाँजा बरामद भए पनि लागुऔषध तस्करी गर्ने व्यक्ति भने फरार भएको जनाएको छ । फरार अभियुक्तहरुको खोजी कार्य भइरहेको प्रहरीले जनाएको छ ।
