हेटौँडाः मकवानपुर ग्रील तथा स्टील व्यवसायी संघको आयोजनामा शनिबार बिहान हेटौँडामा रक्तदान कार्यक्रम भएको छ । हेटौँडा–१०, बुद्धचोकमा भएको कार्यक्रममा २५ जनाले रक्तदान गरेका छन् ।
संघका अध्यक्ष केशव प्रसाईको अध्यक्षता तथा संघका प्रमुख सल्लाहकार एवम् ग्रील तथा स्टील व्यवसायी महासंघका केन्द्रीय उपाध्यक्ष प्रकाश पौडेलको प्रमुख आतिथ्य रहेको थियो । संघका सस्थापक, निवर्तमान अध्यक्ष, ग्रील तथा स्टील व्यवसायी महासंघका केन्द्रीय सदस्य कुमार पौडेल, सल्लाहकारहरु सुरेश पौडेल, कुमार भुजेल, महिला उद्यमी केन्द्रीय कोषाध्यक्ष सरिता प्रधान लगायतको आतिथ्य रहेको थियो । संघका सदस्य कविराज पाठकको संयोजकत्व रक्तदान कार्यक्रम भएको हो । रक्तदान कार्यक्रममा रक्तसञ्चार केन्द्र हेटौँडाको प्राविधिक सहयोग रहेको थियो ।
