हेटौँडाः नेपाली काँग्रेस मकवानपुर प्रतिनिधि सभा क्षेत्र नम्बर १ को कार्यकर्ता प्रशिक्षण कार्यक्रम सुरु भएको छ । शनिवार हेटौँडामा प्रशिक्षण विभागको आयोजनामा कार्यकर्ता प्रशिक्षण, भाषण कला र बैठक सञ्चालन प्रणाली कार्यक्रमको आयोजना गरिएको हो ।
कार्यक्रममा पार्टीका केन्द्रीय सदस्य पुष्पा भुसालले पहिलो सेसनमा पार्टीको वर्तमान राजनैतिक अवस्थाको बारेमा प्रशिक्षण दिनुहुनेछ । त्यस्तै अन्य कार्यक्रममा भाषण कला र बैठक सञ्चालन प्रणाली कार्यक्रम रहेको छ । प्रतिनिधि सभा क्षेत्र नम्बर १ ख मकवानपुरका सभापति राजेश बानियाँको अध्यक्षता तथा नेपाली काँग्रेस बागमती प्रदेश सभापति तथा बागमती प्रदेश सभा सदस्य इन्द्र बहादुर बानियाँको प्रमुख आतिथ्यमा कार्यक्रम भएको हो ।
कार्यक्रममा नेपाली काँग्रेसका केन्द्रीय सदस्य तथा प्रशिक्षण विभाग प्रशिक्षक पुष्पा भुसालको विशिष्ट आतिथ्यता रहेको छ । कार्यक्रममा नेपाली काँग्रेस जिल्ला सभापति बुद्ध लामा, पूर्व सभापति रामचन्द्र अर्याल, रघुरमण न्यौपाने, उप –सचिव इन्दिरा न्यौपाने, मकवानपुर गढी गाउँपालिका प्रमुख दोर्जे लामा, प्रतिनिधि सभा क्षेत्र नम्बर १ का सभापति दामोदर खनाल, पार्टीका नेता तथा कार्यकर्ताहरूको उपस्थिति रहेको थियो ।
