हेटौँडाः हेटौँडा–९, प्रगतिटोलका ५० वर्षीय कमल परियारले मादक पदार्थ सेवन गरी ६५ वर्षीया काकी गोमा दमाईलाई कैचीले टाउकोमा हानेर घाइते बनाएका छन् । शनिबार दिनको १ बजेर २० मिनेटको समयमा कमलले काकीलाई कैँची प्रहार गरी घाइते बनाएको भनी खबर प्राप्त भएपछि प्रहरी खटिएको जिल्ला प्रहरी कार्यालय मकवानपुरले जनाएको छ ।
ईलाका प्रहरी कार्यालय पशुपतिनगर खटिएको टोलीले घाईते गोमालाई उपचारका लागि हेटौँडा अस्पताल पठाएको थियो । घाइते गोमा बोल्न नसक्ने, अचेत रहेको प्रहरीले जानकारी दिएको छ । कुटपिट गर्ने कमललाई प्रहरीले नियन्त्रणमा लिएको छ ।
