हेटौंडाः नुवाकोट जिल्लाको ककनी गाउँपालिका–५, सिम्लेमा एक जना पुरुष मृत अवस्थामा फेला परेका छन् । मृत फेला पर्नेमा शिवपुरी गाउँपालिका–८ का ५३ वर्षीय कृष्णबहादुर लामा रहेको बागमती प्रदेश प्रहरी कार्यालय हेटौंडाले जानकारी दिएको छ ।
बुधबार बिहान ९ बजेर ४५ मिनेटको समयमा लामा आफ्नै घरदेखि २ किलोमिटर पर घट्टेकुलोमा मृत अवस्थामा फेला परेका थिए । मुचुल्कापश्चात् शव पोष्टमार्टमका लागि जिल्ला अस्पताल त्रिशुली लगिएको प्रहरीले जानकारी दिएको छ ।
