हेटौंडाः रामेछाप काभ्रे मैत्री समाजको आयोजनामा रक्तदान कार्यक्रम भएको छ । रक्तदान कार्यक्रममा ६ जना पुरुषले रक्तदान गरेका छन् ।
हेटौंडा उपमहानगरपालिका–१ स्थित अमर माध्यमिक विद्यालयमा आइतबार बिहान रक्तदान कार्यक्रम भएको थियो । नयाँ वर्षको अवसरमा रक्तदान कार्यक्रम आयोजना गरेको रक्तसञ्चार केन्द्र हेटौंडाको प्राविधिक किशोर सापकोटाले जानकारी दिनुभयो ।
कार्यक्रममा हेटौंडा–१ को वडाध्यक्ष सविन न्यौपानेको प्रमुख आतिथ्य रहेको रक्तसञ्चार केन्द्रको प्राविधिक सापकोटाले जानकारी दिनुभयो । आज सोमबार चौघडा बचत तथा ऋण सहकारी संस्थाको आयोजनामा रक्तदान कार्यक्रम हुने प्राविधिक सापकोटाले बताउनु भयो ।
