हेटौंडाः हेटौंडा–१५ स्थित रातोमाटेमा भएको रक्तदान कार्यक्रममा १३ जनाले रक्तदान गरेका छन् । बिहीबार बिहान जनचेतना बचत तथा ऋण सहकारी संस्थाको आयोजनामा भएको कार्यक्रममा ६ जना महिला र ७ जना पुरुषले रक्तदान गरेको रक्तसञ्चार केन्द्र हेटौंडाका प्राविधिक विष्णु प्रसाद रिमालले जानकारी दिनुभयो ।
जनचेतना बचत तथा ऋण सहकारी संस्थाले सहकारी दिवसको अवसरमा रक्तदान कार्यक्रम आयोजना गरेको रक्तसञ्चार केन्द्र हेटौंडाका प्राविधिक रिमालले बताउनुभयो । रक्तदान कार्यक्रमा हेटौंडा–१५ का वडा अध्यक्ष सुनिल मोक्तानको प्रमुख आतिथ्य रहेको थियो । जानुका दवाडीको सभाध्यक्षतामा रक्तदान कार्यक्रम भएको रिमालले जानकारी दिनुभयो ।
