हेटौंडाः वनस्पति अनुुुसन्धान केन्द्र हेटौंडाले आगामी चैत २९ गते वक्तृत्वकला प्रतियोगिता गर्ने भएको छ । वनस्पति विभागको ६४ औँ वार्षिक उत्सव तथा २५ औँ वनस्पति दिवसको अवसरमा ३ दिने कार्यक्रमअन्तर्गत् २९ गते बाल समूह सञ्जालस्तरीय वक्तृत्वकला प्रतियोगिता गर्न लागेको हो ।
कार्यक्रमअन्तर्गत् चैतको २८ गते सरसफाई र ३० गते वृक्षरोपण गरिने बताइएको छ । चैत २९ गते दिउँसो १ बजेर ३० मिनेटबाट ‘जीवनको लागि वनस्पति’ भन्ने विषयमा वृन्दावन वनस्पति उद्यान हेटौंडा–१३ मा वक्तृत्वकला गरिनेछ । वक्तृत्वकलामा वडा नम्बर १२, १३ र १४ को वडास्तरीय बाल समूह सञ्जालबाट ३–३ जना प्रतियोगीहरु सहभागी हुने भएका छन् ।
