हेटौँडाः हेटौँडा उपमहानगरपालिकाको मेयर कप फुुटबल प्रतियोगिताको खेल तालिका सार्वजनिक भएको छ । नगर खेलकुद विकास समितिले बिहिबार खेल तालिका सार्वजनिक गरेको हो । मकवानपुर जिल्ला फुटबल संघका पदाधिकारीको समेत सहभागितामा सार्वजनिक भएको खेलतालिकाअनुसार उद्घाटन खेलमा साविक विजेता हेटौँडा–११ र ३ नम्बर वडाबीच प्रतिस्पर्धा हुनेछ ।
चौथो संस्करणको प्रतियोेगितामा हेटौँडा उपमहानगरका १९ वटै वडाको सहभागिता रहने छ । हेटौँडा–५ स्थित पिप्ले–क्याम्पा रंगशालामा हुने प्रतियोेगिताको फाइनल खेल बैशाख ४ गते हुनेछ । प्र्रतियोेगिताको उपाधि विजेताले नगद २ लाख रुपैयाँसहित सिल्ड, मेडल तथा प्रमाणपत्र प्राप्त गर्नेछ भने उपविजेताले १ लाख ५० हजार रुपैयाँसहित सिल्ड, मेडल र प्र्रमाणपत्र प्राप्त गर्नेछ । प्रतियोगितामा सहभागी भई सेमीफाइनलमा पराजित हुने दुइ टिमले ५०/५० हजार रुपैैयाँ नगद प्राप्त गर्नेछ ।
