हेटौंडाः गजल मञ्च मकवानपुरको आयोजनामा हेटौंडामा गजल उत्सव कार्यक्रम भएको छ । शनिबार हेटौंडा–४ स्थित रोयल पार्टी प्यालेसमा गजल उत्सव कार्यक्रम भएको हो ।
कार्यक्रमको उद्घाटन गजल मञ्च मकवानपुरका अध्यक्ष केशव समर्पणको सभाध्यक्ष तथा हेटौंडा उपमहानगरपालिका वडा नम्बर ४ का वडा अध्यक्ष नवीन सिग्देलको प्रमुख आतिथ्यमा भएको हो । कार्यक्रमलाई सम्बोधन गर्नुहुँदै वडाध्यक्ष सिग्देलले सबै मानिसहरुले गजल सुन्नुपर्ने बताउनुभएको छ । उहाँले सबै मानिसहरुमा फरक तरिकाको प्रतिभा हुने बताउनुहुँदै विद्यालय तहमा पनि गजल लेखन सीप विकास गर्नुपर्ने बताउनुभयो ।
कार्यक्रममा घलेन्द्र ओझा, बाबु त्रिपाठी र शितल कादम्बिनीले गजलको बारेमा बहस गनुभएको थियो । कार्यक्रममा पुरुषोत्तम आचार्य, रुपक वनबासी, सुबास सजल र सानु खनालले गजल बाचन गनुभएको थियो भने अजर फुयाँलले गायन प्रस्तुत गर्नुभएको थियो ।
