हेटौँडाः मकवानपुर प्रहरीले अवैध रुपमा भन्सार छलेर ल्याएको २७ क्वीन्टल प्याज नियन्त्रणमा लिएको छ । बुधबार बिहान ३ बजेर १५ मिनेटको समयमा हेटौँडा–१५ रातोमाटेबाट प्रहरीले अवैध प्याज नियन्त्रणमा लिएको हो ।
पूर्व–पश्चिम राजमार्गमा पथलैयाबाट हेटौँडातर्फ आउँदै गरेको प्रदेश २–०३–००१ च ५६५४ नम्बरको बोलेरो गाडीलाई रोकेर सुरक्षाजाँच गर्दा ६० वटा बोरामा प्याज बरामद गरी नियन्त्रणमा लिएको जनाएको छ । उक्त प्याजसहित गाडीलाई नियन्त्रणमा लिएर आवश्यक कारबाही तथा अनुसन्धानका लािग राजश्व अनुसन्धान कार्यालय पथलैयामा पठाइएको छ ।
