हेटौंडाः मकवानपुर प्रहरीले लागुऔषधसहित एक जनालाई पक्राउ गरेको छ । पक्राउ पर्नेमा मकवानपुरको बागमती गाउँपालिका–८ का तारानाथ दुलाल रहेको बागमती प्रदेश प्रहरी कार्यालय हेटौंडाले जनाएको छ ।
शनिबार राति ११ बजेर ५० मिनेटको समयमा हेटौंडा–१० स्थित बसपार्कबाट दुलाललाई विभिन्न लागुऔषधसहित पक्राउ गरेको हो । प्रहरीले दुलाललाई शंका लागेर सुरक्षाजाँच गर्दा उनको साथबाट लागुऔषध नाईट्रोभेट १० ट्याबलेट–२ पत्ता (३० ट्याबलेट), ट्रामाडोल ट्याबलेट–३ पत्ता(२४ ट्याबलेट) फेला पारी बरामद गरेको प्रहरीले जनाएको छ ।
दुलाललाई उक्त लागुऔषधसहित नियन्त्रणमा लिएर आवश्यक कारबाहीका लागि जिल्ला प्रहरी कार्यालय मकवानपुरमा राखिएको जनाएको छ ।
