हेटौंडाः हेटौंडा–४ स्थित साहित्य संगम मकवानपुरको सभाहलमा लघुकथा संग्रह नदीको राजमार्गबारे विमर्श भएको छ । दीपक समिपले लेख्नुभएका लघुकथा संग्रहबारे समीक्षक घनश्याम घिमिरे समीक्षा एवम् विमर्श गर्नुभएको हो ।
नदीको राजमार्गमा ६६ वटा लघुकथाहरु सग्रह गरिएको छ । सिद्धान्तका आधारमा केहि लघुकथा कमजोर भए पनि भाव, विचार एवम् व्यङ्ग्यचेतका आधारमा लघुकथा संग्रह प्रभावकारी देखिएको घिमिरेले बताउनुभयो ।
कार्यक्रममा सर्जक सञ्जाल मकवानपुरका संयोजक निमेष निखिलको प्रमुख आतिथ्य रहेको थियो । कार्यक्रममा तुलसी घिमिरेको आतिथ्य रहेको थियो ।
