हेटौँडाः मकवानपुरको थाहा नगरपालिका–९, टिपटारबाट मकवानपुर प्रहरीले लागुऔषध चरेश र सालकको खपटासहित ३ जनालाई पक्राउ गरेको छ । पक्राउ पर्नेमा थाहा नगरपालिका–७ डाँडाबास घर भई निपटारस्थित डेरा गरी बस्ने ३५ वर्षीय टेक बहादुर गोले, ३० वर्षीय दिलिप कुमार गोले र ३१ वर्षीया सबिता गोले पाख्रिन रहेको बागमती प्रदेश प्रहरी कार्यालय हेटौँडाले जानकारी दिएको छ ।
शुक्रबार लागुऔषध चरेस र सालकको खपटा लुकाई छिपाई राखेको छ भन्ने विशेष सुचनाको आधारमा प्रहरी टोली खटी गई घरमा खानतलासी गर्दा घर भित्र लुकाई छिपाई राखेको अवस्थामा लागुऔषध चरेश १० किलो र १ किलो सालकको खपटा फेला पारेको थियो । लागुऔषध चरेस र सालकको खपटासहित तीनै जनालाई नियन्त्रणमा लिई थप अनुसन्धानका लागि ईलाका प्रहरी कार्यालय पालुङ मकवानपुरमा लगिएको प्रहरीले जानकारी दिएको छ ।
