हेटौँडाः मातृभूमि साहित्य समाज मकवानपुरको अध्यक्षमा कृष्णप्रसाद दाहाल चयन हुनु भएको छ । शनिबार भएको २४ औं साधारण सभाले दाहालको अध्यक्षमा ११ जना नयाँ कार्यसमिति सर्वसम्मत चयन गरेको छ । नवनिर्वाचित समितिको कार्यकाल ३ वर्षको हुनेछ ।
मातृभूमि साहित्य समाजको उपाध्यक्षमा हेमन्त कुमार ढुंगेल, महासचिवमा मञ्जु खराल, सचिवमा किशन पौडेल र कोषाध्यक्षमा निरा शर्मा चयन हुनुभएको छ । यस्तै सदस्यमा गोपिनी गौतम, श्याम श्रेष्ठ, सानु खनाल र मिथिला अधिकारी चयन हुनुभएको छ । साधारण सभाको उद्घाटन कार्यक्रममा रचना वाचन गरिएको थियो ।
े
निवर्तमान अध्यक्ष माधव बहादुर पोखरेलको सभाध्यक्षता तथा गणेश लाठको प्रमुख आतिथ्यमा साधारण सभा भएको हो । कार्यक्रममा सर्जक सञ्जाल मकवानपुरका संयोजक निमेष निखिल, साहित्य संगम मकवानपुरका अध्यक्ष डिबी बर्तौला, सिस्नुपानी मकवानपुरका अध्यक्ष राजकुमार लामिछाने लगायतको उपस्थिति रहेको थियो ।
