हेटौँडाः हेटौँडा–४ स्थित हेटौँडा क्याम्पसको प्रमुखमा देवीराम लामा नियुक्त हुनुभएको छ । क्याम्पस सञ्चालक समितिको बुधबार बसेको बैठकले लामालाई क्याम्पस प्रमुखको जिम्मेवारी दिने निर्णय भएको क्याम्पस सञ्चालक समितिका अध्यक्ष आनन्दराम पराजुलीले जानकारी दिनुभएको छ ।
लामाले यसअघि सहायक क्याम्पस प्रमुखको जिम्मेवारी सम्हालिसक्नु भएको छ। नेपाली साहित्यमा स्नाकोत्तर तह उपाधि हासिल गर्नुभएका लामा २०६५ सालमा हेटौँडा क्याम्पस सेवामा प्रवेश गर्नुभएको थियो । २०७० सालदेखि सहायक क्याम्पस प्रमुखको जिम्मेवारी सम्हाल्नु भएका लामाको क्याम्पस प्रमुखको कार्यकाल चार बर्षको हुनेछ ।
कक्षा ११, १२, स्नातक र स्नातकोत्तर तहको पठनपाठन हुने हेटौँडा क्याम्पसमा दुइ हजार छ सय विद्यार्थी अध्ययनरत छन् ।
