हेटौंडाः हेटौँडा–८, कमानेस्थित चन्द्रोदय माध्यमिक विद्यालयका विद्यार्थीलाई मंगलबार विद्यालय पोशाक (हाउस ड्रेस) हस्तान्तरण गरिएको छ । वडा कार्यालयको सहयोगमा पोशाक हस्तान्तरण गरिएको हो । वडाको वार्षिक योजाना अनुसार विद्यार्थीलाई पोशाक वितरण गरिएको वडा अध्यक्ष रामकृष्ण थापाले जानकारी दिनुभएको छ ।
शिशु कक्षादेखि ५ कक्षासम्मका विद्यार्थीलाई पोशाक वितरण गरिएको हो । वडाले पर्सी बिहिबार हिमगंगा आधारभूत विद्यालयलाई पनि विद्यालय पोशाक हस्तान्तरण गरिने वडा अध्यक्ष थापाले बताउनुभएको छ । दुई विद्यालयमा करिब ५ सय विद्यार्थीलाई पोशाक हस्तान्तरण गरिने छ । यस्तै अघिल्लो वर्ष पनि यि दुई विद्यालयमा वडा कार्यालयले पोशाक उपलब्ध गराएको थियो । पोशाक वितरण कार्यक्रममा वडा सदस्य, वडा कार्यालयका कर्मचारी, विद्यालय व्यवस्थापन समितिका अध्यक्ष तथा पदाधिकारी, विद्यालयका प्रधानाध्यापकको पनि उपस्थिति रहेको थियो ।
