हेटौँडाः हेटौँडा–११, थानाभर्याङमा आइतबार राती मोटरसाइकल दुर्घटना हुँदा एक किशोरको मृत्यु भएको छ । आइतबार राती १० बजेर ५५ मिनेटको समयमा हेटौँडा बजारबाट थानाभर्याङतर्फ जाँदै गरेको ना ६५ प ७०५५ नम्बरको मोटरसाइकल दुर्घटना हुँदा मोटरसाइकलमा सवार तीनजना घाइते भएका थिए ।
मोटरसाइकल चालक हेटौँडा–४ का १५ वर्षीय किशोर महेन थापाको उपचारको क्रममा हेटौँडा अस्पतालमा मृत्यु भएको प्रहरीले जनाएको छ । दुर्घटनामा घाइते बेबिशा खड्गीको अवस्था गम्भीर रहेको र थप उपचारका लागि भरतपुर रेफर गरिएको प्रहरीले जानकारी दिएको छ । यस्तै अर्की घाइते विनिता थापाको हेटौडा अस्पतालमै उपचार भइरहेको छ । थापाको अवस्था मध्यम रहेको प्रहरीले जनाएको छ ।
