हेटौँडाः अबैध लागूऔषध गाँजासहित मकवानपुर प्रहरीले दुईजना भारतीय नागरिकलाई पक्राउ गरेको छ ।
आइतबार दिनको ४ बजेर ५० मिनेटको समयमा पूर्व–पश्चिम राजमार्गअन्तर्गत हेटौँडा–१५, पिपलचौतारबाट सशस्त्र प्रहरीको रातोमाटे गण र प्रहरी चौकी रातोमाटेबाट खटिएको संयुक्त सुरक्षा टोलीले चितवनबाट बीरगन्जतर्फ जाँदै गरेको ना ६ ख ६७५४ नम्बरको यात्रुबाहक बसलाई रोकी सुरक्षाजाँच गर्ने क्रममा भारतीय नागरिकको साथबाट गाँजा बरामद गरेको हो । प्रहरीले भारतको बिहार राज्यको मोतिहारी थानाआधापुर पोष्टग्राम औरया जमुनभारका २२ वर्षीय सदुला अन्सारी र भारतको बिहार राज्यको उत्तर प्रदेश जिल्ला प्रयागराज थानाफुलपुर पोष्टग्राम मिर्जापुरका २४ वर्षीय रजनिस सिंहको साथबाट ५÷५ केजी गरी कुल १० केजी लागुऔषध गाँजा बरामद गरेको जनाएको छ ।
