हेटौँडाः पुर्व–पश्चिम सडक खण्ड स्थित हेटौँडा–१५, रातोमाटेमा क्रेन दुर्घटना हुँदा सहचालकको मृत्यु भएको छ । मृत्युहुनेमा वीरगंज महानगरपालिका–३०, विश्रामपुर बस्ने १८ वर्षीय सहचालक विपिन महत्तो रहेको जिल्ला प्रहरी कार्यालय मकवानपुरले जनाएको छ ।
बिहिबार बिहान पौने ६ बजे रातोमाटेस्थित पूर्व पश्चिम सडकखण्डमा चुरियामाइतर्फबाट हेटौँडातर्फ आउँदै गरेको ना १ क ६०५५ नम्बरको हाइड्रा क्रेन आफैँ अनियन्त्रित भई सडकको छेउमा पल्टिँदा दुर्घटना भएको थियो । दुर्घटनामा महत्तो घाइते भएका थिए । घाइते महत्तोलाई उपचारको लागि हेटौंडा अस्पताल लागिएकोमा चिकित्सकले मृत घोषणा गरेको प्रहरीले जनाएको छ । चालक लालपर्सा बस्ने ३० वर्षीय दशरथ पासवान भने सामान्य घाइते भएको प्रहरीले जानकारी दिएको छ ।
