हेटौँडाः मकवानपुरको भीमफेदी गाउँपालिका–६, जुरिखेतमा बुधबार साँझ स्कुटर दुर्घटना भएको छ । काठमाडौंबाट हेटौँडातर्फ आउँदै गरेको बा प्र ०२–०२७ प ४८४२ नम्बरको स्कुटर बुधबार साँझ ५ बजेर ४० मिनेटको समयमा जुरिखेतमा सडकबाट अन्दाजी एक सय मिटर तल खसेको मकवानपुर प्रहरीले जनाएको छ ।
दुर्घटनामा परी काठमाडौं जिल्लाको काठमाडौं महानगरपालिका–२७, महावौद्धकी ६२ वर्षीया राज्यश्री थापा क्षेत्रीको मृत्यु भएको मकवानपुर प्रहरीले जनाएको छ । दुर्घटनमा परी घाइते भएकी थापाको उपचारको क्रममा हेटौँडा अस्पतालमा बुधबार साँझ ७ बजेर २० मिनेटमा मृत्यु भएको प्रहरीले जानकारी दिएको छ । थापाका श्रीमान् स्कुटर चालक ६५ वर्षीय शशीराज पाण्डेको हेटौँडा अस्पतालमा उपचार भइरहेको छ ।
