हेटौँडाः हेटौँडा उपमहानगरपालिका ८ नम्बर वडाले आयोजना गरेको ५ किलोमिटर दौड प्रतियोगिताको उपाधि समल लामाले जितेका छन् । शनिबार बिहान भएको दोस्रो संस्करणको दौडमा निर्धारित दूरी १९ मिनेट २२ सेकेण्डमा पूरा गर्दै समलले नगद १५ हजार रुपैयाँ जितेका छन् ।
यस्तै निर्धारित दूरी १९ मिनेट ४७ सेकेण्डमा पूरा गर्दै विवेक रानामगर दोस्रो भएका छन् भने २० मिनेट २८ सेकेण्डमा निर्धारित दूरी पार गर्दै जोयल गुरुङ तेस्रो भएका छन् । दोस्रो र तेस्रो हुनेले क्रमशः १० हजार र ५ हजार रुपैयाँ नगदसहित सिल्ड, मेडल र प्रमाणपत्र प्राप्त गरेका छन् । प्रतियोगितामो ३५ जनाको सहभागिता रहेको थियो ।
४० वर्षभन्दा बढी उमेर समूहतर्फ पवन अधिकारी प्रथम भएका छन् । प्रतियोगितामा विजेतालाई वडा खेलकुद समितिका अध्यक्ष उमेश थापा मगरको अध्यक्षता तथा वडा अध्यक्ष रामकृष्ण थापाको प्रमुख आतिथ्यमा पुरस्कार वितरण गरिएको छ ।
