हेटौंडाः हेटौंडा–८, कमानेमा दोस्रो वडा अध्यक्ष कप फुटबल प्रतियोगिता हुने भएको छ । वडा कार्यालय र ८ नम्बर वडा खेलकुद समितिकोे आयोजनामा असोज २७ गतेदेखि प्रतियोगिता हुने संयोजक उमेश थापा मगरले जानकारी दिनुभयो ।
प्रतियोगितामा प्रथम हुने संस्थालाई ३० हजार र द्वितीय हुनेलाई २० हजार राशीसहितको पुरस्कारको व्यवस्था रहेको छ । प्रतियोगिताको उत्कृष्ट खेलाडीलाई ट्रफी मेडल र प्रमाणपत्रको व्यवस्था रहेको संयोजक मगरले जानकारी दिनुभयो । प्रतियोगितामा ८ नम्बर वडाभित्रका १९ वटा टोल विकास संस्थाहरुको सहभागिता रहनेछ । प्रतियोगिता आयोजनाका लागि ५ लाख रुपैयाँ खर्च लाग्ने अनुमान गरेको उहाँले बताउनुभयो । गत वर्ष विकास टोल विकास संस्थाले उपाधि जितेको थियो ।
