हेटौंडाः कक्षा १२ को ग्रेडवृद्धि मौका परीक्षाको दोस्रो दिन बुधबार ५७ जना विद्यार्थी अनुपस्थित भएका छन् । मंगलबार र बुधबार गरी दुइ दिन भएको मौका परीक्षामा पहिलो दिन र दोस्रो दिन मकवानपुरका २ हजार ७ सय ४० जना विद्यार्थीहरुले आवेदन दिएको राष्ट्रिय परिक्षा बोर्ड मकवानपुर शाखा सूचना अधिकारी जयप्रकाश प्रसाद कुसुवाहले जानकारी दिनुभएको छ ।
यस्तै दोस्रो दिनमा ठुला कोड भएका विषयको परीक्षामा ७ सय ४२ जना विद्यार्थी उपस्थित भएका छन् । मकवानपुरमा कक्षा १२ को ग्रेडवृद्धि परीक्षाको लागि ४ वटा केन्द्र तोकिएको थियो । मौका परीक्षाको नतिजा पनि छिटो प्रकाशन गर्ने तयारीमा रहेको कुसुवाह बताउनुभयो ।
