हेटौँडाः हेटौँडा–१० बसपार्कबाट प्रहरीले लागुऔषध गाँजा सहित ३ जनालाई पक्राउ गरेको छ । पक्राउ पर्नेमा पर्सा जिल्ला गढी नगरपालिका–९ टागाँका ३० वर्षीय अमिर लाल प्रसाद यादव, ४५ वर्षीय जंग बहादुर पासवान र ३२ वर्षीय मनोज यादव रहेको प्रदेश प्रहरी कार्यालय हेटौँडाले जानकारी दिएको छ ।
शुक्रबार बिशेष सुचनाको आधारमा जिल्ला प्रहरी कार्यालय मकवानपुरबाट प्रहरी सहायक निरक्षक राजेश शाहको कमाण्डमा खटिएको टोलीले उनिहरुलाई सुरक्षाजाँच गर्दा लागुऔषध गाँजा ६ किलो बरामद गरेको थियो । लागुऔषध गाँजा सहित ३ जनालाई नियन्त्रणमा लिई अनुसन्धान गरिरहेको प्रहरीले जनाएको छ ।
