हेटौँडाः एकै दिन २ जना मृत फेला परेका छन् । प्रदेशको चितवन र धादिङ जिल्लामा एकैदिन २ जना मृत फेल परेको प्रदेश प्रहरी कार्यालय हेटौँडाले जानकारी दिएको छ । चितवन जिल्लाको राप्ती नगरपालिका–२ स्थित गड्यौलि पन्थडाडां बस्ने एक जना पुरुष मृत फेला परेको छ ।
मृत फेला पर्नेमा ६५ वर्षीय बिष्णु बहादुर पाठक रहेको प्रहरी जनाएको छ । पाठक सोमबार बिहान ८ बजेको समयमा आफ्नै घरमा मृत अवस्थामा फेला परेका थिए । मुचुल्का पश्चात शव पोष्टमार्टमको लागी जिल्ला अस्पताल लगिएको प्रहरीले जनाएको छ ।
यस्तै, धादिङ जिल्लाको निलकण्ठ नगरपालिका–२ र १४ को बिचमा एक जना पुरुष व्यक्तिको शव फेला परेको छ । सोमबार साँझ ५ बजेको समयमा पलाखु खोलाले बगाएर ल्याई अड्किएको अवस्थामा हाल नामथर नखुलेको पुरुष व्यक्तिको शव फेला परेको थियो । मुचुल्का पश्चात शव पोष्टमार्टमको लागी जिल्ला अस्पताल लगिएको प्रहरीले जनाएको छ ।
