हेटौँडाः नेपाल विद्युत प्राधिकरणको ३८ औँ वार्षिकोत्सवको अवसरमा हेटौँडास्थित बागमती प्रदेश कार्यालयले सप्ताहव्यापी कार्यक्रम गरी मनाएको छ । नेपाल विद्युत प्राधिकरणको वार्षिकोत्सव समारोह प्रदेश डिभिजन कार्यालयका प्रमुख दिपेन्द्र राज द्विवेदीको सभाध्यक्षतामा भएको थियो । कार्यक्रममा हेटौँडा ग्रीड महाशाखाका प्रमुख अशोक कुमार पण्डित, प्रदेश डिभिजन कार्यालयका उपप्रबन्धक बिनोद कुमार यादव र हेटौँडा वितरण केन्द्र प्रमुख नरेन्द्रवीर श्रेष्ठको आतिथ्य रहेको हो ।
सप्ताहव्यापी क्रियाकलाप विजेतालाई पुरस्कार विवरण गरिएको थियो । प्राधिकरणले १५ गते वृक्षरोपण, १६ गतेदेखि १८ गतेसम्म ब्याडमिन्टन प्रतियोगिता, २५ गतेदेखि २६ गतेसम्म वृद्धिचाल प्रतियोगिता, २७ गते रक्तदान कार्यक्रम, ३१ गते डोरितान प्रतियोगिता र ३२ गते सरसफाइ कार्यक्रम गरेको थियो ।
सप्ताहव्यापी कार्यक्रमको समापन तथा वार्षिकोत्सवको अवसरमा शुक्रबार म्युजिकल चेयर, चम्चा दौड र घैँटो फुटाउने खेलको आयोजना गरेको थियो । अतिरिक्त क्रियाकलापमा प्रथम, द्वितीय र तृतीय हुने खेलाडीलाई सिल्ड, मेडल तथा प्रमाणपत्र वितरण गरिएको थियो ।
