हेटौंडाः करेन्ट लागेर मकवानपुरको बकैया गाउँपालिकामा एक जनाको मृत्यु भएको छ । मृत्यु हुनेमा बकैया–५, श्रीपुरका ५२ वर्षीय वीर बहादुर परियार रहेको बागमती प्रदेश प्रहरी कार्यालय हेटौंडाले जनाएको छ ।
शनिबार दिउँसो ४ बजेको समयमा आफ्नै घरमा फ्यान जोडने क्रममा करेन्ट लाग्दा परियार घाइते भएका थिए । घाइते परियारलाई उपचारका लागि हेटौंडा अस्पताल ल्याइएकोमा उपचारको क्रममा शनिबार राति ७ बजेर ५५ मिनेटको समयमा मृत्यु भएको हो ।
