हेटौंडाः पूर्व–पश्चिम राजमार्ग अन्तर्गत हेटौंडा उपमहानगरपालिका–१५, रातोमाटे चेकपोष्टबाट मकवानपुर प्रहरीले लागुऔषधसहित एक जनालाई नियन्त्रणमा लिएको छ । शनिबार बिहान ११ बजेर ५० मिनेटको समयमा नारायणगढबाट बिरगञ्ज जाँदै गरेको ना ८ ख ४३४६ नम्बरको बसमा सुरक्षाजाँच गर्दा बसमा सवार नानु घलानको कपडाको ब्यागमा पाँच किलो गाँजा फेला परेपछि उनलाई नियन्त्रणमा लिएको प्रहरीले जनाएको छ ।
यसै गरी मकवानपुर प्रहरीले मनहरी गाउँपालिका–५, दरदराका अर्का एकजनालाई पनि लागुऔषधसहित प्रक्राउ गरेको छ । सूचनाका आधारमा स्थानीय बासिन्दा रामसिंह वाईबाको घरमा खानतलासी गर्दा प्रहरीले गाँजाको धुलोजस्तो देखिने पदार्थ एक केजी र नाईटा«भेट ट्याबलेट १ सय २० पीस बरामद गरेको हो । प्रहरीले दुवैलाई थप अनुसन्धानका लागि ती लागुऔषध सहित् जिल्ला प्रहरी कार्यालय मकवानपुरमा पठाएको जनाएको छ ।
