हेटौँडाः पूर्व पश्चिम राजमार्ग अन्तरगत हेटौँडा–१५, रातोमाटे चेकपोष्टबाट मकवानपुर प्रहरीले १ लाख २४ हजार बराबरको अवैध सामान बरामद गरेको छ । मंगलबार वीरगञ्जबाट तर्फ जान आउँदै गरेको बस र ट्रकबाट अवैध समान बरामद गरेको प्रदेश प्रहरी कार्यालय हेटौंडाले जानकारी दिएको छ ।
प्रहरीले ना ५ ख ५०६५ नम्बरको बसलाई सुरक्षाजाँच गर्दा बसबाट हाफ कट्टु ११ प्याकेट, सर्ट १२ पिस, टि सर्ट सानो ठुलो ८५ पिस र बच्चाको कट्टु–११ पिस अवैध कपडा बरामद गरेको प्रहरीले जनाएको । यस्तै, सोहिदिन विशेष सुचनाको आधारमा वीरगञ्जबाट हेटौँडा आउदै गरेको ना ५ ख ३४४३ नम्बरको ट्रकलाई सुरक्षजाँच गर्दा पिजामा हाल्ने चिज ३ कार्टुन, चिनि ६ बोरा, रेडबुल ९५ पिस, बिस्कुट २० प्याकेट र पापड २८ प्याकेट फेला पारेको थियो । अवैध सामान नियन्त्रणमा लिई बस र ट्रकलाई गन्तव्य तर्फ पठाएको प्रहरीले जानकारी दिएको छ ।
