हेटौँडाः सिन्धुली जिल्लाको कमलामाई नगरपालिका–१० भडारमा एक बालिका मृत अवस्थामा फेला परेकी छिन् । मृत फेला पर्नेमा १३ वर्षीया सिम्पल सुनार रहेको बागमती प्रदेश प्रहरी कार्यालय हेटौँडाले जानकारी दिएको छ ।
सुनार आइतबार बेलुका ८ बजेर १० मिनेटको समयमा आफ्नै कच्चि घरको तल्लो तलाकोे काठको निदालमा नाइलनको दाम्लोको पासो लगाई झुण्डिरहेको अवस्थामा मृत फेला परेको प्रहरीले जानकारी दिएको छ । मुचुल्का पश्चात शव पोष्टमार्टमका लागि जिल्ला अस्पताल सिन्धुली लगिएको प्रहरीले जनाएको छ ।
