हेटौँडाः अन्तर्राष्ट्रिय स्वयम्सेवी संस्था रोटरी इन्टरनेशनलको सदस्य क्लब रोटरी क्लब अफ मकवानपुरको अध्यक्षमा अञ्जनी कुमार पराजुली पदस्थापित हुनुभएको छ । शुक्रबार हेटौँडामा एक समारोहकाबीच वर्ष २०२२÷२३ का अध्यक्ष कृष्णबहादुर कार्कीले पराजुलीलाई अध्यक्ष पद हस्तान्तरण गर्नुभएको हो । हेटौँडा उपमहानगरपालिकाका उपप्रमुख राजेश बानियाँको प्रमुख आतिथ्यमा पदस्थापन समारोह भएको हो ।
निर्वाचित अध्यक्षमा अनिल अग्रवाल रहेको क्लबमा अध्यक्ष पराजुलीले मनोनित अध्यक्षमा विजय कुमार श्रेष्ठ, उपाध्यक्षमा भजकृष्ण गोर्खाली, सचिवमा मनोज ढोडारी, कोषाध्यक्षमा पवन तिमल्सिना, सहसचिवमा सर्मेन्द्र पौडेल, सहकोषाध्यक्षमा विज्ञान रिमाललाई नियुक्त गर्नुभएको छ ।
रोटरी क्लब अफ मकवानपुरको नवौं पदस्थापन कार्यक्रममा क्लबका संस्थापक अध्यक्ष ज्ञानकृष्ण प्रजापति, पूर्वअध्यक्षहरु ज्योति रत्न बज्राचार्य, पुरन बहादुर जोशी, कविन सांगामी, रोटरी क्लब अफ मकवानपुरका एसिस्टेन्ट गभर्नर रामप्रसाद शर्मा, रोटरी क्लब अफ हेटौंडाका अध्यक्ष सुयशको पनि उपस्थिति रहेको थियो ।
