हेटौँडाः नेपाली काँग्रेससम्वद्ध प्रेस युनियन मकवानपुरको अध्यक्षमा सुवास विडारी निर्वाचित हुनुभएको छ । आइतबार हेटौंडामा सम्पन्न सातौं अधिवेशनबाट सर्वसम्मत नयाँ समिति चयन भएको हो ।
युनियनको उपाध्यक्षमा कपिल खड्का र सन्नु रिजाल, सचिवमा बलराम पुडासैनी, कोषाध्यक्षमा प्रदीप अधिकारी, सहसचिवमा प्रवेश धिताल चयन हुनुभएको छ । यस्तै सदस्यमा कुमारमणि हुमागाई, रोशनदीप थापा, गणेश दुलाल, सन्देश थिङ, सम्झना थापा र अनिषा थापा चयन हुनुभएको छ ।
