हेटौंडाः हेटौंडा–१६, हटियास्थित हटिया जनप्रिय बहुमुखी क्याम्पसमा स्वतन्त्र विद्यार्थी युनियन (स्ववियु) को नवनिर्वाचित समितिले सपथ तथा पदभार ग्रहण गरेका छन् । बिहिबार एक कार्यक्रमको बीच समितिलाई निर्वाचित भएको प्रमाणपत्र वितरण गरेर सपथग्रहण गराएको निर्वाचन अधिकृत विष्णुहरी गौतमले जानकारी दिनुभयो ।
चैत ५ गते सम्पन्न निर्वाचनबाट अखिल (क्रान्तिकारी) विप्लवका तर्फबाट स्ववियु अध्यक्षमा मुना गोले निर्वाचित हुनुभएको थियो । गोलेले निर्वाचन अधिकृत गौतमबाट सपथ लिनुभयो । यस्तै सचिव पुष्पा बास्तोला, कोषाध्यक्ष नमुना पोखरेल, सदस्यहरु मेनुका दाहाल, पबित्रा अधिकारी, बिनिता तिमलसिना, सबिता थिङ, आई श्री भ्लोन, यम कुमारी श्रेष्ठ, सन्तोष रेग्मी र जीवन गुरुङले सपथ ग्रहण गर्नुभएको छ ।
सपथ तथा पदभारग्रहण कार्यक्रममा १६ नम्बर वडाका वडाध्यक्ष रामकृष्ण कोइराला, क्याम्पस व्यवस्थापन समितिका अध्यक्ष मदन दाहालको पनि उपस्थिति रहेको थियो । हटिया जनप्रिय बहुमुखी क्याम्पसको स्ववियु पदाधिकारी र सदस्य सबै महिला विजयी भएका छन् ।
