हेटौंडाः हेटौंडा फुटसल एण्ड स्पोर्टस् सेन्टरको आयोजनामा विद्यालय तथा क्याम्पसका शिक्षक बीच नकआउट फुटसल प्रतियोगिता सुरु भएको छ । शनिबार सुरु भएको प्रतियोगिताको फाइनल खेल आगामी शनिबार हुनेछ । पहिलो दिन शनिबार ५ खेल भएका छन् ।
शनिबारको पहिलो खेलमा कमाने एकेडेमी विजयी भयो । कमाने एकेडेमी र नवोदय (डी) बीच निर्धारित समयमा दुवैतर्फबाट १–१ गोल भएपछि खेल पेनाल्टी सुटआउटमा गएको थियो । पेनाल्टी सुटआउटमा कमाने २–१ गोलअन्तरले विजयी भयो । दोस्रो खेलमा नवोदय (ए) ले ११–३ गोलअन्तरले नवोदय (सि) लाई पराजित ग¥यो । शनिबार नै भएको तेस्रो खेलमा माउन्ट एभरेष्टले तुल्सीमेहरलाई ६–० गोलअन्तरले पराजित गर्यो । नवोदय (सि) र जेम्सबीच भएको खेलमा जेम्स ९–३ गोलअन्तरले विजयी भयो ।
शनिबारको अन्तिम खेलमा भुटनदेवी र हेटौंडा स्कूल अफ म्यानेजमेन्टबीच भएको थियो । ५–२ गोलअन्तरले म्यानेजमेन्ट विजयी भयो । प्रतियोगिताअन्तर्गतका बाँकी खेलहरु यही फागुन २० गते शनिबार हुनेछन् । प्रतियोगितामा ८ वटा विद्यालय र एउटा क्याम्पसको १२ वटा टिमको सहभागिता रहेको छ । फाइनल खेल अर्को शनिबार हुनेछ ।
