हेटौंडाः शहीद स्मृति स्थानीय तह अन्तर्राष्ट्रिय मकवानपुर गोल्डकप फुटबल प्रतियोगितामा आजबाट सेमिफाइनल खेल सुरु हुँदैछ । हेटौंडा–५ स्थित पिप्ले–क्याम्पा रंगशालामा हुने आज पहिलो सेमिफाइनल खेलमा मनाङ मस्र्याङ्दी क्लब र नेपाल एपिएफ क्बलबीच प्रतिस्पर्धा हुनेछ ।
मनाङ र एफिएफबीचको खेल दिउँसो ३ बजे हुनेछ । मनाङ घरेलु टोली मकवानपुर–११ लाई हराउँदै सेमिफाइनल प्रवेश गरेको हो भने एपिएफ त्रिभुवन आर्मी क्लबलाई हराउँदै सेमिफाइनल प्रवेश गरेको हो । दोस्रो सेमिफाइनलमा भोलि हिमालयन शेर्पा र क्यामरुनको एभिनियर एफसीबीच प्रतिस्पर्धा हुनेछ ।
प्रतियोगिताको उपाधि विजेताले १५ लाख रुपैयाँ र उपविजेताले १० लाख रुपैयाँ प्राप्त गर्नेछ । प्रतियोगिताको सर्वोत्कृष्ट खेलाडीले नगद ५० हजार रुपैयाँ प्राप्त गर्नेछ भने विधागत उत्कृष्ट खेलाडीहरुले २५–२५ हजार रुपैयाँ प्राप्त गर्नेछन् । प्रतियोगिताको उत्कृष्ट खेलाडीले बुलेट बाइक प्राप्त गर्नेछ । बुलेट बाइकको प्रायोजन हेटौंडा स्कूल अफ म्यानेजमेन्टले गरेको हो ।
